З 17 па 21 лютага 2020 г. у Дзяржаўнай установе адукацыі «Сярэдняя школа
№ 2 г. Магілёва» ў пачатковай школе прайшоў тыдзень беларускай мовы і літаратуры.
Напярэдадні правядзення тыдня была праведзена грунтоўная папярэдняя падрыхтоўка, адбор матэрыялу для выкарыстання ў рамках тыдня, сцэнарыяў, нагляднага матэрыялу, прэзентацый, раздатачнага матэрыялу, падбор відэазапісаў.
Асноўнымі задачамi правядзення тыдня беларускай мовы і літаратуры з’яўляліся:
павышэнне цiкавасцi вучняў да прадметаў «Беларуская мова» i «Беларуская лiтаратура»;
развiццё індывідуальных здольнасцей адораных вучняў і выяўленне адоранасці ў працэсе сатворчасці;
знаёмства з творчасцю пісьменнікаў-землякоў;
вывучэнне культуралагічнага аспекту беларускамоўнай спадчыны, яго выкарыстанне ў працэсе пазаўрочнай дзейнасці;
папулярызацыя здабыткаў беларускай культуры;
выхаванне грамадзянскіх і патрыятычных якасцей вучняў праз уключэнне іх у сумесную дзейнасць.
Тыдзень беларускай мовы i лiтаратуры праходзiў у адпаведнасцi з планам, якi быў зацверджаны на метадычным аб’яднанні настаўнікаў пачатковых класаў.
На падрыхтоўчым этапе было азначана кола мерапрыемстваў, а таксама прызначаны настаўнікі i вучні, адказныя за iх арганiзацыю i правядзенне.
Усё, што было запланавана ў рамках тыдня беларускай мовы і літаратуры, здейснілася, прайшло своечасова, планава і высокаарганізавана.
Тыдзень прайшоў плённа і цікава і для вучняў пачатковых класаў. Яны змаглі пераканацца ў прыгажосці і непаўторнасці роднай беларускай мовы, паглыбілі свае веды па гісторыі роднага краю і этнаграфіі, пашырылі свой кругагляд і эрудыцыю, далучыліся да прыгожага.
Вучні першых класаў разам з бацькамі падрыхтавалі часопісы «Тэматычны карагод».
На працягу ўсяго тыдня класныя кіраўнікі другіх класаў арганізоўвалі «Займальныя перапынкі». Вучні гулялі ў перакладчыкаў, разгадвалі загадкі і рэбусы, шарады і галаваломкі на роднай мове , знаёміліся з вядомымі беларускімі пісьменнікамі.
Таксама вучні пачатковай школы прынялі актыўны ўдзел у творчых конкурсах:
конкурс чытачоў «Родная мова, матчына мова…» сярод трэціх і чацвертых класаў;
інтэлектуальная гульня «Знаўцы мовы» ў ІV «А» класе.
Добрай традыцыяй і павышаную ўвагу і жаданне праявіць сябе падчас тыдня выклікае ў навучэнцаў рэспубліканскі конкурс па беларускай мове і літаратуры «Буслік».
У рамках Беларускага чацвярга ІІІ «А» і ІІІ «Б» класы наведали ААТ «Бабушкина крынка», дзе пазнаёміліся вырабамі з беларускай малочнай прадукцыяй, а таксама атрымалі смачныя падарункі.
Цікавымі і займальнымі былі урокі настаўнікаў С.І. Духовіч па тэме «Суфікс» ў ІІІ «Г» класе і К.І. Суздалевай па тэме «Прыметнік. Змяненне прыметнікаў па родах і ліках» у V «Г» класе. На ўроках можна было праверыць працу ўсіх вучняў. З заданнямі яны справіліся і атрымалі адпаведныя адзнакі.
Прадметны тыдзень дазволіў вучням раскрыць свой творчы патэнцыял, паказаць добрыя веды прадметных ВУН, уменні ўжываць веды ў розных сітуацыях, узаемадапамогу. Усе настаўнікі падчас прадметнага тыдня праявілі добрыя арганізатарскія здольнасці, стварылі творчую атмасферу.
Кіраўнік МА Т.А. Белашэдава
