Чацвер з беларускай мовай
Беларускамоўны чацвер 21 сакавіка ў нашай школе адзначаны цікавым мерапрыемствам – літаратурнымі чытаннямі твораў Аркадзя Куляшова.
Аркадзь Куляшоў заўсёды выпраменьваў дабратворную, пазітыўную энергетыку, згоду і ўзаемаразуменне. Творчасць паэта шчыра і пранікнёна паэтызавала родную зямлю, Бацькаўшчыну, раскрывала духоўны свет беларуса – чалавека лагоднага, памяркоўнага, добразычлівага, сцвярджала высокія сацыяльна-маральныя, грамадзянска-патрыятычныя прынцыпы і каштоўнасці жыцця.
Дзеці з захапленнем знаёміліся з вершамі паэта, заразіліся энергетыкай яго твораў, пранікліся пачуццём добразычлівасці, спагады, гонару і любові да сваёй Радзімы, да яе слаўных сыноў.
